Според Зијадин Села, на Македонија и е потребна нова државна химна.
Државната химна треба да се смени, со взаемно разбирање и дијалог, рече тој во вчерашниот дуел со Максим Димитриевски во „Само вистина“.
Според него, со ставањето на Законот за употреба на јазиците на седница на Уставниот суд, се удираат Албанците и нивните права.
Ако сакаме да градиме иднина, не треба да преземеме еднострани акции за да укинеме некои права бидејќи на таков начин само се враќаме назад, вели Села.
На обвинувањата на лидерот на ЗНАМ, дека еден од главните проблеми во соживотот во Македонија е тоа што младите Албанци не знаат ни збор македонски јазик, официјалниот јазик на државата, Села се оправда, што еве тука во емисијата зборувал македонски за да може сите да го разберат.
Тој му рече на Димитриевски, дека иако е градоначалник на Куманово, каде што живеат голем број на Албанци, тој не знае да склопи реченица на албански јазик, на што во негов стил Димитриевски му се обрати на албански.
