Една вечер спиење за двајца пред Hotel De Paris Monte Carlo Monako пред кој во видеото на Скопје1 паркирал екс директорот на УБК Сашо Мијалков чини 35 просечни или 70 минимални македонски плати.
Поинаку кажано ако сакате да резервирате едно спиење за двајца утре вечер во луксузниот хотел ќе ве чини колку годишна плата на висок македонски функционер.
Висок македонски функционер на ранг на министер добива околу 2000 евра месечно.
Доколку Мијалков го паркирал своето Ферари кое чини до 700 илјади евра за да преспие во хотелот каде што се упатува тогаш на располагање има различни соби од чии цени просечен Македонец ќе го заболи главата.
Најевтината соба во хотелот е 902 евра.
Најскапата во која што можат да се сместат 6 лица чини неверојатни 25 илјади евра.
За редовни гости овие цени можат да бидат пониски.
Во понудата на хотелот пред кој се паркира Мијалков има и доручек како и користење на Спа и фитнес сала.
Засега нема информации дали Мијалков бил сместен во хотелот или само го посетил ресторанот кој е исто така од светска класа.
