Од МВР денеска информираат дека е расветлен случајот од крушевско објавен на социјални мрежи. Од таму велат дека лицето е обезбедено и дека ќе следува соодветна пријава.
Вчера (14.11.2025) во 13:00 часот во с.Јакреново, крушевско, полициски службеници од ОВР Крушево од Ф.А.(44) од с.Јакреново одзедоа ловечка пушка, ременик и дозвола за поседување оружје. Имено, претходно беше пријавено дека на социјална мрежа беше објавено видео на кое се гледа дека 15-годишно девојче вперува огнено оружје кон главата на својот 11-годишен брат, информираат од МВР.
Од таму додаваат дека по преземени мерки било утврдено дека настанот се случил во неговиот дом и биле направени консултации со јавен обвинител.
„Оружјето е одземено и по целосно документирање на случајот против Ф.А.ќе биде поднесена соодветна пријава“, велат од МВР.
