Во угостителски објект во Гевгелија, веднаш по влезот од Грција кон Македонија, едно парче пица се продава по цена од 180 денари. Според фотографиите од местото, станува збор за цена по парче, што за македонски услови се смета за превисоко.
Локацијата е честа пауза за патници што влегуваат во земјата, па излепената цена привлекува внимание токму во период на зголемена фреквенција на сообраќај и гужви на граничниот премин „Богородица“. Случајот ги отвора прашањата за ценовните политики во објектите крај граница, особено во шпицот на туристичката сезона.
Со оглед на тоа дека станува збор за европски специјалитет, очигледно и цените се „европски“. Интересно е што на голем дел од плажите покрај море, едно парче пица чини поевтино од оваа цена во Гевгелија.
Извор: Скопјеинфо
