Trending
  • МАКЕДОНИЈА
  • БАЛКАН
  • СВЕТ
  • ПОЛИТИКА
  • ЕКОНОМИЈА
  • СПОРТ
  • ЗДРАВЈЕ
  • ЗАБАВА
  • ХОРОСКОП
  • НУТРИЦИОНИЗАМ
Reading: Епидемиологот Даниловски со комплетна анализа за случајот со Гостивар
Сподели
Font ResizerAa
TrendingTrending
  • БАЛКАН
  • ЕКОНОМИЈА
  • ЗАБАВА
  • ЗДРАВЈЕ
  • МАКЕДОНИЈА
  • ПОЛИТИКА
  • СВЕТ
  • СПОРТ
  • ХОРОСКОП
  • НУТРИЦИОНИЗАМ
Trending > Blog > ЗДРАВЈЕ > Епидемиологот Даниловски со комплетна анализа за случајот со Гостивар
ЗДРАВЈЕ

Епидемиологот Даниловски со комплетна анализа за случајот со Гостивар

Објавено July 21, 2026 11:21
Сподели
Сподели

Новите сознанија изнесени од Обвинителството значително ги зајакнуваат заклучокот и оцената дека гостиварската епидемија е поврзана со микробиолошка контаминација на водоснабдителниот систем, а посочуваат и конкретен можен механизам преку кој загадената вода навлегла во системот за вода за пиење – анализира во објава на Фејсбук епидемиологот и професор Драган Даниловски.

Анализата следува откако ОЈО Гостивар синоќа ги објави резултатите од анализата на примероците на вода од градскиот водовод, од кои се констатира дека таа не може да се употребува за ниту една намена.

„Освен што располагаме со временска и просторна поврзаност меѓу заболувањата и водоснабдувањето, го имаме и можниот санитарно-технички механизам на контаминацијата – пренесување површинска вода од отворен канал во затворениот систем за вода за пиење. Во епидемиолошкото каузално (причинско-последично) заклучување, утврдувањето веродостоен механизам има голема тежина. Тоа ја поврзува изложеноста со појавените здравствени последици и ја прави хипотезата за хидрично потекло уште поубедлива“,пишува Даниловски во анализата.

Епидемиологот додава дека наодот објавен од Обвинителството за присуството на колиформни бактерии во водата е директен показател за санитарна неисправност и за можноста од контаминација, но тој, како што вели, не го идентификува сам по себе конкретниот патоген микроорганизам што ги предизвикал заболувањата кај луѓето.

Иако новите факти несомнено ја зајакнуваат причинската хипотеза, Даноловски оценува дека тие не ја заменуваат целосната епидемиолошка и микробиолошка истрага и целосното утврдување на причината за епидемијата и начинот на кој таа настанала. За ова, како што вели, потребни се податоци за микробиолошките испитувања на заболените, примероци од различни точки на водоводната мрежа, временската динамика на контаминацијата, епидемиската крива,географската распределба на случаите и евентуалното присуство на повеќе причинители.

„По завршувањето на акутната фаза, потребна е сеопфатна стручна анализа на целиот настан. Таа не треба да се ограничи на утврдувањето на непосредниот технички механизам. Треба да ги опфати: управувањето со водоснабдителниот систем, санитарниот надзор, комуникацијата меѓу институциите, раното откривање на епидемијата, времето на донесување на одлуките, информирањето на населението, обезбедувањето алтернативно снабдување со вода, постапувањето на здравствениот систем, нормативните и организациските слабости. Таквата анализа не смее да биде административно оправдување на постапките. Нејзината цел треба да биде учење: што не функционирало, зошто не функционирало и што мора да се промени“,додава тој.

Епидемиологот се осврнува и на прашањето за одговорноста за случајот која, како што вели, ако се сведе само на три лица, постои опасност да се пропушти пошироката институционална лекција. Дури и ако се утврди индивидуална одговорност, додава тој, остануваат прашањата поврзани со институционалната одговорност.

Сподели ја оваа статија
Facebook Whatsapp Whatsapp Email Copy Link
Сподели
Претходна Статија (ФОТО) Невреме го погоди Стар Дојран
Следна Статија Со највисоки државни и воени почести ја пречекана претседателката на Индија, Друпади Мурму

БИ МОЖЕЛО ДА ВЕ ИНТЕРЕСИРА

ЗДРАВЈЕ

Пановски со апел: Лажни се видеата – не купујте производ што наводно јас го рекламирам!

Микробиологот, професор и доктор Никола Пановски преку објава на Фејсбук предупреди дека повторно се шират лажни видеа и реклами со…

December 26, 2025
ЗДРАВЈЕ

Владата ќе купува сто нови амбулантни возила во вредност од 7,5 милиони евра

Согласно заклучок од седница на Владата, Министерството за здравство ја објави јавната набавка за 100 нови амбулантни возила со надградена…

April 25, 2026
ЗДРАВЈЕ

Алиу: Девет хирурзи беа на обука во Турција за трансплантација на бубрзи и црн дроб, дарувањето орган претставува највозвишен акт на хуманост и солидарност

Министерот за здравство, Азир Алиу и заменик министерот, Јовица Андовски, учествуваа на работна средба по повод одбележување европски викенд на…

October 10, 2025
ЗДРАВЈЕ

Вакцината против рак може да ги искорени сите тумори кај пациентите, покажа испитување во Лондон

Лекарите ги поздравија досега „невидените“ резултати од испитување кои покажуваат дека вакцината против рак со тројно дејство може да ги…

May 31, 2026
Trending
contact@trending.mk

© Trending.mk  |  All Rights Reserved.

Импресум
Welcome Back!

Sign in to your account

Username or Email Address
Password

Lost your password?