Европската комисија нема „конкретен коментар“ на полагањето заклетва од страна на досегашната потпретседателка Делси Родригез како привремена претседателка на Венецуела, откако изминатиов викенд со американската акција од претседателската функција беше сменет Николас Мадуро и одведен во САД.
– Властите во Венецуела го добија својот мандат на изборен процес во кој не беше почитувана волјата на народот за демократски промени. Како и досега, иако не го признаваме легитимитетот на Мадуро, исто како и на Родригез, ќе продолжиме со целно насочен ангажман со венецуелските власти за да ги заштитиме интересите и да ги почитуваме нашите сопствени принципи, изјави портпаролката на ЕК за надворешни работи и безбедносна политика Анита Хипер.
Таа додаде дека иднината на Венецуела треба прецизно да се обликува преку инклузивен дијалог што ќе води кон демократска транзиција и ќе ги вклучи сите актери кои се посветени на демократијата, вклучително и демократски избраните лидери на опозицијата
