Портпаролот на движењето ЗНАМ – За наша Македонија, Никола Мемов, кој воедно е и директор на Фондот за пензиско и инвалидско осигурување, во објава на својот Фејсбук профил упати остри критики кон коалицискиот партнер ВРЕДИ, дел од владиното мнозинство.
Мемов тврди дека ВЛЕН ја изиграле владејачката ВМРО-ДПМНЕ на локалните избори во Скопје, бидејќи не гласале за нивниот кандидат за градоначалник Орце Ѓорѓиевски.
„ВМРО го знае тоа и премиерот јавно им кажа – ние чесно ве поддржавме, плативме огромна цена за таа поддршка и за возврат не побаравме ништо. Само почит. Таа почит не ја добивме. И тоа не го забораваме“, напиша Мемов во својата објава, прикачувајќи видео од премиерот Христијан Мицкоски, кој се обраќа до, како што вели, своите сопартијци од Тетово, Гостивар и Струга.
На локалните избори, движењето ЗНАМ немаше свој кандидат за градоначалник на Град Скопје и јавно го поддржа Орце Ѓорѓиевски, додека во Општина Центар, нивниот кандидат Мирослав Лабудовиќ ја доби поддршката од ВМРО-ДПМНЕ.
