Пријави и претставки за постапувањето на судијата Ѓоко Ристов биле поднесувани во Судскиот совет, но судијата кој заврши во куќен притвор откако во домот на неговите родители во Неготино беа најдени заѕидани 350 илјади евра, никогаш не стигнал до разрешување во највисокото судско тело.
Имало претставка за него и од вработени во Апелациониот суд, но Камбовски вели дека не може да се сети на сите претставки, но дециден е дека пријави од судии колеги за Ристов немало, објави Слободен печат
– Точно колку пријави имало за Ѓоко Ристов не можам да ви кажам во моментов. Инаку, Судскиот совет постапи по барањето на Основниот кривичен суд и да дозволиме сега истрагата да утврди тоа што е потребно – вели Камбовски.
Всушност минатата година Судскиот совет го казнил Ристов само на плата, односно три месеци да зема пониска плата за 15 проценти, затоа што не се изземал кога одлучувал Исмет Гури и Ејуп Елими, единствените функционери од ДУИ кои беа воопшто обвинети од поранешното Специјално јавно обвинителство, но не и осудени.
Целиот текст на Слободен печат
