Вонредниот инспекциски надзор на Државниот инспекторат за градежништво и урбанизам во Општина Маврово и Ростуше покажа дека голем дел од потврдите за градби вон урбанистички планови биле незаконски потпишани од градоначалникот Медат Куртовски пишува МКД.мк. Во последните пет месеци тој потпиша триесетина такви решенија на што реагираше и здружението Спас за Маврово. Случајно или не, по вонредниот инспекциски надзор Садредин Елезовски, началникот на Секторот за урбанизам на општината, на 19 март во Скопје беше фатен како прима мито.
Во извештајот на инспекторите до министерот за транспорт од 13 март се вели дека урбанистичкиот проект вон опфат на урбанистички план се употребува спротивно на Законот за урбанистичко планирање.
„На барање од Спас за Маврово за вршење вонреден инспекциски надзор за постапките за донесување и изработка на урбанистички проекти вон опфат на урбанистички план согласно член 58 став 6, можна злоупотреба во процесот на нивната изработка и усвојување од кои можат да произлезат издавање одобренија за градење со што се потенцира злоупотребата во работењето на стручните служби во Општина Маврово Ростуше и неопходноста од итноста во постапување на институциите“.
Инспекторите утврдиле дека од Медат Куртовски незаконски биле потпишани урбанистичките проекти за Миас фаворите, Глобал Балкан, Луан Мусаи… Сите овие решенија се однесуваат главно на градби околу Мавровското Езеро, апартмани, хостели, традиционални куќи за потребите на туризмот, згради со апартмани и студија…
„Урбанистичките проекти вон опфат на урбанистички план се изработуваа спротивно на Законот за урбанистичко планирање. Утврдени се неправилности во работата на субјектот на надзор застапуван од градооначалникот Медат Куртовски“.
Повеќе на МКД.мк
