Премиерот Христијан Мицкоски, уште еднаш ја коментираше резолуцијата во Европскиот парламент со која треба да се признае посебниот македонски идентитет и јазик, но исто така ја коментираше и на бугарскиот европратеник за амнадман во ЕП за јазикот и идентитетот да бидат „сегашни“.
„Сега очекувам Европа да даде одговор. Европа сега има шанса. Сега нема едногласје. Европа има шанса да исправи историска неправда нанесена со прифаќањето на Бујар Османи и Димитар Ковачевски што им беше ставено на маса. Бугарските парламентарци се таму и работат да помине сето тоа. Ако некој кај нас гаи илузија дека тие седат со скрстени раце се лаже. Затоа што некој им дал можност кога го прифатиле така наречениот француски предлог. И сега тие нормално, тоа го прават, но вистината излегува на површина. А, вистина е дека официјална Софија никогаш не се препакува и остана да биде слеп заложник на живковизмот. Создавање на нова сегашна македонска нација којашто почива на основите на бугарската нација. Тоа е суштината. И секој кој не верува во ова, или е политичка аналфабета или свесно сака да ги манипулира граѓаните“, рече Мицкоски.
