Вечерва во Валандово се одржа мини-митинг организиран од ВМРО-ДПМНЕ и коалицијата. Говорници беа кандидатот Ѓоко Камчев, потпретседателот на партијата Александар Николоски и претседателот на ВМРО-ДПМНЕ Христијан Мицкоски.
Николоски даде краток осврт на некои проекти кои се во план и кои ќе бидат поддржани од владата и министерството за транспорт и врски. Тој исто така повика за масовно гласање во вториот круг и поддршка за кандидатот, Ѓоко Камчев.
– И она што го кажавме во првиот круг. Ајде сериозно да ја испитаме работата на актуелниот градоначалник, затоа што индициите за злоупотреби се големи. Мора и правда да има покрај реализација на проекти, порача Николоски.
