Народната канцеларија на претседателката на Република Македонија, Гордана Силјановска Давкова, од денеска е повторно во функција на граѓаните. Објектот се наоѓа во центарот на Скопје и неговата цел е да воспостави директна комуникација меѓу институцијата и народот.
На свеченото отворање присуствуваше и градоначалникот на општина Кисела Вода, Орце Ѓорѓиевски, кој истакна дека ова е важен чекор кон поотворени институции.
„Народната канцеларија е место каде што секој граѓанин може да биде сослушан, да поднесе претставка, иницијатива, петиција или предлог“, посочи Ѓорѓиевски.
Според него, ваквите канцеларии треба да служат како мост меѓу граѓаните и претседателската функција.
„Институциите постојат за народот и затоа мора да бидат блиску до народот. Нека оваа канцеларија биде вистински мост меѓу граѓаните и институцијата Претседател“, додаде градоначалникот Ѓорѓиевски.
