Диетата со низок внес на јаглехидрати е огромен хит во моментов, бидејќи жените ширум светот полудеа по неа. И што се крие зад диетата што ветува дека ќе ги стопи килограмите без гладување?
Намалениот внес на јаглехидрати може да има позитивен ефект врз оние со разни здравствени проблеми, вклучувајќи дијабетес тип 2, срцеви заболувања, Алцхајмерова болест и да помогне во постигнување на витка линија.
План за исхрана со низок внес на јаглехидрати и висок внес на масти, т.е. LCHF диетата се промовира како здрав и безбеден начин за слабеење, но постојат одредени стапици за кои треба да бидете свесни.
Што е LCHF диетата?
LCHF диетата е колективно име за неколку планови за исхрана кои го намалуваат внесот на јаглехидрати и го зголемуваат внесот на масти. LCHF диетата е со низок внес на јаглехидрати, висок внес на масти и умерен внес на протеини.
Планот за исхрана нагласува цела, непреработена храна како риба, јајца, зеленчук и јаткасти плодови со низок внес на јаглехидрати, а забранува високо преработени, спакувани производи. Додадениот шеќер и храната со скроб како што се леб, тестенини, компири и ориз се ограничени.
Идеална тежина на долг рок
Бројни студии покажаа дека диетите со малку јаглехидрати и многу масти се ефикасен начин за губење на тежина. Тие им помагаат на многу луѓе да ослабат со намалување на апетитот, подобрување на чувствителноста на инсулин, зголемување на внесот на протеини и поттикнување на губење на масти, особено во абдоминалната област, пишува healthline.
И диетата LCHF не само што промовира краткорочно губење на масти, туку помага и во одржување на оптимална тежина на долг рок.
Храна што треба да се избегнува
Кога ја следите диетата LCHF, важно е да го намалите внесот на храна богата со јаглехидрати, поточно, четири работи се строго забранети: шеќер, тесто, ориз и компири.
Еве листа на производи што треба да се ограничат:
Житарки и скроб: леб, печива, ориз, тестенини, житарки
Слатки пијалоци: сокови, сладок чај, смути, спортски пијалоци, чоколадно млеко
Засладувачи: шеќер, мед, агава, јаворов сируп
Скробен зеленчук: компири, сладок компир, тиква, цвекло, грашок
Овошје: овошјето треба да биде ограничено, но се охрабрува консумирањето на мали порции бобинки
Алкохолни пијалоци: пиво, мешани слатки коктели, вино
Преработена спакувана храна купена од продавница
Дозволена храна
Секој вид LCHF диета нагласува храна што е богата со масти и ниска со јаглехидрати. Храна погодна за LCHF диетата се:
Јајца
Масла: маслиново масло, кокосово масло и масло од авокадо
Риба: сите видови риби, но особено масните како лосос, сардини и пастрмка
Месо и живина: црвено месо, пилешко, дивеч, мисирка
Полномасни млечни производи: павлака, полномасен јогурт, путер, сирења
Зеленчук без скроб: зеленчук, брокула, карфиол, пиперки, печурки
Овошје: бобинки како боровинки, капини, малини и јагоди во умерени количини
Јатки плодови и семки: бадеми, ореви, макадамија, семки од тиква
Зачини: свежи билки, пипер
Доколку не сте сигурни дали LCHF диетата е вистинскиот избор за вас, побарајте совет од вашиот лекар, особено бремени жени, деца и лица со хронични заболувања, пишува Healthline.
