Trending
  • МАКЕДОНИЈА
  • БАЛКАН
  • СВЕТ
  • ПОЛИТИКА
  • ЕКОНОМИЈА
  • СПОРТ
  • ЗДРАВЈЕ
  • ЗАБАВА
  • ХОРОСКОП
  • НУТРИЦИОНИЗАМ
Reading: Фридрих Мерц: Ќе ја имаме најсилната армија на континентот, но нема да се вклучуваме во војна
Сподели
Font ResizerAa
TrendingTrending
  • БАЛКАН
  • ЕКОНОМИЈА
  • ЗАБАВА
  • ЗДРАВЈЕ
  • МАКЕДОНИЈА
  • ПОЛИТИКА
  • СВЕТ
  • СПОРТ
  • ХОРОСКОП
  • НУТРИЦИОНИЗАМ
Trending > Blog > СВЕТ > Фридрих Мерц: Ќе ја имаме најсилната армија на континентот, но нема да се вклучуваме во војна
СВЕТ

Фридрих Мерц: Ќе ја имаме најсилната армија на континентот, но нема да се вклучуваме во војна

Објавено May 14, 2025 19:14
Сподели
Сподели

Германскиот канцелар Фридрих Мерц од Христијанско-демократската унија (ЦДУ), во своето прво обраќање пред парламентот во име на новата влада, најави големи промени: економско закрепнување, посилна Германија на европската сцена и значително зајакнување на армијата.

„Бундесверот мора да стане најсилната конвенционална армија на континентот“, изјави Мерц пред пратениците во Бундестагот. Тој нагласи дека јакнењето на германските вооружени сили е врвен приоритет на новата влада. „Мораме да можеме да се одбраниме – за да не мора да водиме војна“, додаде тој.

За таа цел, владата веќе одлучила да формира посебен фонд од околу 500 милијарди евра наменет за одбраната.

Поддршка за Украина и загриженост за Газа

Во делот за надворешната политика, Мерц вети цврста поддршка за Украина, нагласувајќи дека Германија ќе стои „рамо до рамо“ со украинскиот народ. Но, истовремено нагласи дека нема да дозволи Германија да биде вовлечена директно во конфликтот.

Тој, исто така, потврди дека Германија ќе продолжи со поддршката за Израел, но изрази загриженост за хуманитарната состојба во Појасот Газа, каде што, како што рече, владее „акутен глад“.

Ветувања за подобра економија уште ова лето

На економски план, канцеларот најави конкретни и брзи мерки за подобрување на состојбата. Тој им порача на граѓаните дека позитивните промени ќе ги почувствуваат „уште ова лето“.

„Германската економија е сѐ уште конкурентна. Она што ни недостига е јасна рамка, а новата влада наскоро ќе се погрижи за тоа“, рече Мерц.

Сериозни предизвици пред владата

Мерц не ги премолчи тешкотиите со кои се соочува неговата влада, истакнувајќи дека Германија се наоѓа пред „огромни предизвици“ – и внатре во државата, и на меѓународен план. Но, заврши со порака на надеж: „Сигурен сум дека можеме да се справиме со сите овие предизвици.“

Опозицијата жестоко го критикува Мерц

По неговото обраќање, следуваше жестока дебата. Алис Вајдел, потпретседателка на опозициската партија Алтернатива за Германија (AfD), го нарече Мерц „канцелар на левицата“ и го обвини дека ги прекршил своите изборни ветувања.

„Мерц се предаде пред левичарските партии и Зелените“, рече Вајдел, алудирајќи на неговата соработка со нив во парламентот.

Таа посебно ја критикуваше миграциската политика на новата влада, нарекувајќи ја „недостатна“. Според Вајдел, нелегалната имиграција мора целосно да се запре, а владата треба да ги исполни ветувањата дадени за време на изборната кампања – да ја заостри миграциската политика.

Сподели ја оваа статија
Facebook Whatsapp Whatsapp Email Copy Link
Сподели
Претходна Статија Во кањон во БиХ пронајдено тело на судијка
Следна Статија Во Косово уапсен Дритон Ибиши, член на групата „Грчец“ кој се бараше со меѓународна потерница

БИ МОЖЕЛО ДА ВЕ ИНТЕРЕСИРА

СВЕТ

Крузерот погоден од епидемија на хантавирус пристигна на островот Тенерифе

Крузерот што е во центарот на епидемијата на хантавирус стигна во близина на шпанскиот остров Тенерифе, од каде се очекува…

May 10, 2026
СВЕТ

Европската комисија бара координација за да нема недостиг на керозин во летната сезона

Европската комисија ги повика земјите-членки на Европската Унија да бидат подготвени и координирано да дејствуваат за да се избегне недостиг…

April 22, 2026
СВЕТ

ТРАМП ИЛИ ХАРИС? Нилски коњ од зоолошка градина во Тајланд го предвиде победникот на изборите во САД (ВИДЕО)

Ѕвездата на социјалните мрежи, нилскиот коњ Му Денг од зоолошката градина во Тајланд, денеска предвиде дека републиканецот Доналд Трамп ќе…

November 5, 2024
СВЕТ

Трамповата администрација ги врати грантовите за ментално здравје и зависности

Големи намалувања на програмите за ментално здравје и зависности во вредност од повеќе од 2 милијарди долари се отповикуваат. По…

January 16, 2026
Trending
contact@trending.mk

© Trending.mk  |  All Rights Reserved.

Импресум
Welcome Back!

Sign in to your account

Username or Email Address
Password

Lost your password?