Збогум, ‘Dead Space’… Повторно (2008-2023)

За втор пат, завесата паѓа за ‘Dead Space’ франшизата. Според извори блиски до Insider Gaming, научно-фантастичната хорор серија е ‘замрзната’ по издавањето на нејзината remake верзија во 2023 година. Иако играта доби солидни критики и поддршка од обожаватели, изгледа дека EA нема натамошни планови за проширување на оваа популарна франшиза. Ова веројатно значи дека обожавателите на серијалот ќе треба да се задоволат со постојните изданија и споменот на некогашната славна игра која беше препознатлива по своето иновативно космичко хорор искуство.