Координаторката на пратеничката група на Европскиот фронт Рина Ајдари рече дека ќе гласаат за законот на седницата која се очекува да биде свикана за в петок, а доколку не се имплементираат нивните забелешки, во иднина ќе поднесат измени на законот.
Системот „Безбеден град“ ќе може да старува од 1 февруари, како што беше зацртано, бидејќи пратеничката група на Европскиот фронт предводена од ДУИ ќе го поддржи и со тоа власта ќе обезбеди двотретинско мнозинство за измените на Законот за прекршоци да помине во Собранието.
Координаторката на пратеничката група на Европскиот фронт Рина Ајдари рече дека ќе гласаат за законот на седницата која се очекува да биде свикана за в петок, а доколку не се имплементираат нивните забелешки, во иднина ќе поднесат измени на законот.
Поддршка на Законот за прекршоци беше обезбедена на лидерската средба минатата недела, свикана од премиерот Христијан Мицкоски, но ДУИ во минатиот петок на координација на шефовите на пратеничките групи, учесници на лидерската, не даде бланко виза за законското решение со образложение дека имаат забелешки. Ајдари рече дека собраниската седница не била закажана за минатиот петок, како што било договорено, бидејќи им требало време да се консултираат во пратеничката група. За проектот „Безбеден град“ освен ДУИ забелешки има и пратеничката група на СДСМ, но по најавата на Европскиот фронт дека ќе го поддржи законот, за власта веќе не е клучна поддршката од социјалдемократите
