Унгарскиот премиер Виктор Орбан денес изјави дека Украина е непријател на Унгарија затоа што барала од Брисел Унгарија да не добива евтина руска енергија.
Орбан на митинг во Сомбател, во западна Унгарија, изјави дека Украинците мора да се откажат од своите постојани барања во Брисел да ја исклучат Унгарија од добивање евтина руска енергија, објави порталот Hirado.hu.
Додека Украина го прави ова, нашиот непријател ги крши нашите основни интереси“, рече Орбан и истакна дека, доколку не беа руската нафта и гас, Унгарија ќе мораше да плаќа неколку пати повисоки цени од сегашните.
Тој истакна дека Украина не треба да стане членка на ЕУ во догледна иднина затоа што, како што изјави, Киев претставува постојана закана од војна.
Тој, исто така, предупреди дека ако Украина стане членка на ЕУ, тоа ќе доведе до уништување на централноевропското земјоделство и економија затоа што украинските производи се поевтини.
Мораме да соработуваме со Украинците, но нема прашање за членство“, заклучи Орбан.
