Милијардерот Илон Маск го нарече канадскиот премиер Џастин Трудо „неподнослива будала која нема уште долго да биде на власт“!
Ова Маск го напиша на социјалната мрежа Х како одговор на видеото во кое Трудо го окарактеризира поразот на Камала Харис на претседателските избори во САД како неуспех за напредокот на жените.
-Тоа требаше да биде стабилен, иако понекогаш тежок, пат кон напредок. А сепак, пред само неколку недели, Соединетите Американски Држави по втор пат одлучија да не ја изберат својата прва жена претседател – рече Трудо во говорот на галата на Equal Gala на Voice Foundation во Отава во вторникот вечерта.
Justin Trudeau: "The United States voted—for a second time—to NOT elect its first woman president…I want you to know that I am, and always will be, a PROUD FEMINIST!" pic.twitter.com/yjkhPckixC
— Townhall.com (@townhallcom) December 11, 2024Маск, кој е извршен директор на Tesla и основач на вселенската компанија SpaceX, беше избран од Трамп да ја води новата владина агенција за ефикасност.
Нападот на Маск врз канадскиот премиер откако Трамп беше реизбран во ноември ne e единствен. Одговарајќи на барањето од корисникот на социјалните мрежи X минатата недела, барајќи помош од Маск за да се ослободи од Трудо, Маск напиша: „Тој ќе го нема по следните избори“.
Најавата на Маск доаѓа во тензично време за односите меѓу Канада и САД.
Трудо се соочува со напади од Трамп на социјалните мрежи по посетата на Мар-а-Лаго пред речиси две недели за да разговара за заканата на Трамп да воведе царини од 25 проценти на Канада на неговиот прв ден на функцијата, освен ако Канада не ги реши прашањата поврзани со граничната безбедност.
По тој состанок, американската мрежа Фокс њуз објави дека Трамп се пошегувал за време на вечерата во Флорида дека откако Трудо му рекол дека тоа ќе биде смртна казна за неговата земја, Канада можеби ќе треба да стане 51-та американска држава.
Неколку дена подоцна, Трамп на социјалните мрежи објави слика генерирана од вештачка интелигенција на која стои покрај канадско знаме и гледа во планински венец со зборовите „О, Канада“.
Во интервјуто во неделата на NBC Meet The Press, Трамп повторно ја спомена Канада како можна американска држава.
- Ја субвенционираме Канада со повеќе од 100 милијарди долари годишно. Го субвенционираме Мексико со речиси 300 милијарди. Не треба да го правиме тоа. Зошто ги субвенционираме овие земји – изјави Трамп за NBC News.
Тој потоа ја повтори својата порака дека Канада и Мексико треба да станат сојузни држави на САД, доколку Вашингтон продолжи да ги субвенционира.
