Откако авионот „Боинг 737“ на авиокомпанијата „Рајанер“ се врати во Солун со сериозно оштетување на десниот мотор и скршено прозорско стакло, во јавноста се појавија прашања која држава ќе ја спроведува истрагата за инцидентот.
Иако леталото полетало од грчкиот аеродром и по проблемот безбедно се вратило во Солун, каде што останува на детални технички проверки, надлежноста за безбедносната истрага не ја одредува местото на полетување или слетување, туку локацијата каде што се случил сериозниот инцидент.
Според меѓународните правила за воздухопловна безбедност, истрагата ја води државата на чија територија или во чиј воздушен простор се случил настанот. Во авијациската терминологија оваа земја се нарекува „држава на настанот“.
Според досега достапните информации, проблемот кај летот FR1879 се случил додека авионот се наоѓал над воздушниот простор на Македонија. Поради тоа, токму македонските воздухопловни надлежности се тие кои ја спроведуваат безбедносната истрага, иако авионот тргнал од Солун и повторно се вратил на истиот аеродром.
Истрагата треба да утврди што точно предизвикало оштетување на леталото, дали станува збор за технички дефект, надворешно влијание или друг фактор, како и да даде препораки за спречување на слични инциденти во иднина.
The NTSB has appointed an Accredited Representative to assist the Republic of North Macedonia with its investigation into the Ryanair accident over North Macedonia, Friday.
Per international protocols under the International Civil Aviation Organization’s Annex 13, all…
— NTSB Newsroom (@NTSB_Newsroom) July 10, 2026
